आभार डॉ. सारिका लाटवडे
कराड - प्रतिनिधी.
श्री स्वामी विवेकानंद शिक्षण संस्था संचलित शिक्षणमहर्षी बापूजी साळुंखे महाविद्यालय कराड येथे, ग्रंथालय विभाग, राष्ट्रीय सेवा योजना विभाग व राष्ट्रीय छात्र सेना विभागाच्या वतीने भारताचे दिवंगत राष्ट्रपती डॉ. ए.पी.जे. अब्दुल कलाम यांच्या जयंतीनिमित्त व वंदे मातरम या गीतास दीडशे वर्ष पूर्ण झाली. या सुवर्ण महोत्सवी वर्षाच्या निमित्ताने वाचन प्रेरणा दिन उत्साहात संपन्न झाला. कार्यक्रमाचे प्रमुख मार्गदर्शक महाविद्यालयाचे प्राचार्य प्रो. डॉ. सतीश घाटगे होते. आपल्या मार्गदर्शनात ते म्हणाले, वाचन, मनन, आणि चिंतन हीच सुदृढ बुद्धिमत्तेची त्रिसूत्री आहे. वाचनाने माणूस घडतो याचे मूर्तिमंत उदाहरण म्हणजे भारताचे मिसाईल मॅन, थोर संशोधक, कुशाग्र बुद्धिमत्तेचे शास्त्रज्ञ डॉ. ए.पी.जे. अब्दुल कलाम आहेत. त्यांनी भारताच्या अण्वस्त्र संशोधनात शिखर रचले आहे. एक सामान्य विद्यार्थी वाचनातून गगनचुंबी यश संपादन करू शकतो. विद्यार्थ्यांनी विविध ग्रंथांचे वाचन केले पाहिजे . ग्रंथ हेच आपले गुरु आहेत. ग्रंथासारखा मौल्यवान ठेवा विद्यार्थ्यांच्यासाठी ग्रंथालयात मुबलक प्रमाणात आहे. त्याचा सातत्याने वापर केला पाहिजे. मोबाईल युगामध्ये सर्वांचेच वाचनाकडे दुर्लक्ष होत आहे. यावरती ही लक्ष केंद्रित करणे गरजेचे आहे. विद्यार्थ्यांच्यात वाचन संस्कृती वाढावी यासाठी ग्रंथालय, एनएसएस व एनसीसी या विभागांनी आयोजित केलेला हा उपक्रम अतिशय स्तुत्य आहे. महाविद्यालयात असे उपक्रम नियमितपणे साजरे होत असतात. यातून चांगले सुसंस्कार होतात. या कार्यक्रमात बंकिमचंद्र चटर्जी व वंदे मातरम जन्म कथा याचे उपस्थित सर्वांनी सामूहिक मूक वाचन केले. या कार्यक्रमासाठी जूनियर विभागाचे पर्यवेक्षक प्रा. सुरेश रजपूत, एन एस एस कार्यक्रम अधिकारी प्रा. रघुनाथ गवळी, प्रा. अण्णासाहेब पाटील, एनसीसी प्रशिक्षक दिलीप सपकाळ, इंग्रजी विभाग प्रमुख प्रा. रत्नाकर कोळी, हिंदी विभाग प्रमुख प्रा. विश्वनाथ सुतार, प्रा. सविता येवले, प्रा. भक्ती भालदारे, प्रा. शितल सालवाडगी , प्रा. शैला चोबे डॉ. अभिजीत दळवी, डॉ. सारिका लाटवडे, दिपाली वाघमारे, प्रा. डी. एच रास्ते उपस्थित होते. कार्यक्रमाचे प्रास्ताविक व पाहुण्यांचा परिचय ग्रंथालय प्रमुख प्रा.सोनाली रांगोळे यांनी केले. आभार प्रा. तेजस्विनी दळे यांनी व्यक्त केले तर सुत्रसंचालन प्रा स्मिता कालभूषण यांनी केले. कार्यक्रमासाठी महाविद्यालयातील विद्यार्थी विद्यार्थिनी व सर्व गुरुदेव कार्यकर्ते उपस्थित होते.
कराड - प्रतिनिधी.
श्री स्वामी विवेकानंद शिक्षण संस्था कोल्हापूर संचलित, शिक्षणमहर्षी बापूजी साळुंखे महाविद्यालय कराड येथे, मानसशास्त्र विभागाच्या वतीने जागतिक मानसिक आरोग्य दिन उत्साहात संपन्न झाला. कार्यक्रमाचे प्रमुख पाहुणे डॉ. एम. जी. जाधव होते. उत्तम मानसिक आरोग्यासाठी ताण व्यवस्थापन या विषयावर बोलताना आपल्या मार्गदर्शनात ते म्हणाले, ताणमुक्त जीवन हीच यशस्वी आनंदी आरोग्यदायी जीवनाची गुरुकिल्ली आहे. कोणतीही व्यक्ती शारीरिक, मानसिक व सामाजिक पातळीवर व्यवस्थित कार्य करत असेल तरच त्याचे आरोग्य चांगले आहे असे म्हणता येते. शरीर, मन व समाज याचा अत्यंत जवळचा संबंध आहे. आनंदी असणे म्हणजे मानसिक आरोग्य चांगले आहे असे म्हणतात. माणूस आपल्या भोवती स्वतः ताण निर्माण करतो. तो कौटुंबिक, आर्थिक, सामाजिक इत्यादी माध्यमातून निर्माण होतो. ताण व आरोग्य यांचा जवळचा संबंध असून ताणाचे नियंत्रण आवश्यक आहे. वाढलेला ताण कमी करण्यासाठी ताण कमी करण्याचे नियोजन आवश्यक आहे. यासाठी प्रश्नांना सामोरे जाणे व आहार व्यायाम यावरती भर देणे महत्त्वाचे आहे. सकारात्मक विचारांची जपणूक करणे ही तितकेच महत्त्वाचे आहे. मानसिक आरोग्यासाठी ताण व्यवस्थापन करणे काळाची गरज बनली आहे.
कार्यक्रमाच्या अध्यक्षस्थानी महाविद्यालयाचे प्राचार्य प्रो.डॉ.सतीश घाटगे होते.. आपल्या अध्यक्षीय मार्गदर्शनात ते म्हणाले, ताण घ्यायचा का नाही? हे आपले मनच ठरवते. स्त्री व पुरुषांचा विचार करतात महिला ह्या मानसिक दृष्ट्या खंबीर असतात. पुरुषांच्या तुलनेत स्त्रियांचे आत्महत्या करण्याचे प्रमाण कमी दिसते. म्हणून प्रत्येकाने मानसिक दृष्ट्या सुदृढ असते महत्त्वाचे आहे. ताणावरती नियंत्रण मिळवून आपले आरोग्य जपणे ही आज प्रत्येक व्यक्तीची गरज बनलेली आहे.
या कार्यक्रमाचे प्रास्ताविक मानसशास्त्र विभाग प्रमुख प्रा. सोमनाथ पाटील यांनी केले. प्रमुख पाहुण्यांचा परिचय प्रा.अरविंद मोहिते यांनी केला. तर सूत्रसंचालन व आभार डॉक्टर स्वाती मोरकळ यांनी केले. या कार्यक्रमात महाविद्यालयाचे विद्यार्थी विद्यार्थिनी सर्व प्राध्यापक बंधू भगिनी बहुसंख्येने उपस्थित होते.
कराड - प्रतिनिधी.
श्री.स्वामी विवेकानंद शिक्षण संस्था कोल्हापूर संचलित शिक्षणमहर्षी बापूजी साळुंखे महाविद्यालय कराड येथे समाजशास्त्र विभाग व राज्यशास्त्र विभाग यांच्या संयुक्त विद्यमाने 28 सप्टेंबर आंतरराष्ट्रीय माहिती अधिकार दिन संपन्न झाला. कार्यक्रमाचे प्रमुख मार्गदर्शक डॉ. सुभाष कांबळे होते. आपल्या मार्गदर्शनात ते म्हणाले, प्रशासनातील पारदर्शकतेसाठी व लोकशाहीच्या सक्षमीकरणासाठी माहिती अधिकार कायदा सामान्य नागरिकांचे सुरक्षा कवच आहे. या कायद्याने खऱ्या अर्थाने नागरिकांना माहिती मिळण्याचे स्वातंत्र्य मिळाले आहे. माहिती अधिकार अधिनियम 2005 हा भारतीय संसदेने मंजूर केला. तेव्हापासून आत्तापर्यंत एक कोटी पेक्षा जास्त नागरिकांनी माहिती अधिकाराखाली अर्ज केलेले आहेत. त्यामुळे लोकाभिमुख व सर्वाधिक वापरला जाणारा हा कायदा आहे. सर्व प्रकारच्या शासकीय संस्था व शासकीय संस्थेशी संबंधित सर्व विभाग, यांच्याकडे सर्वसामान्य नागरिक माहिती अधिकार कायद्याखाली माहिती मागू शकतो. ज्या ठिकाणी देशाचे सार्वभौमत्व, न्यायालयाचा अवमान व शासनाच्या गोपनीय बाबी येतात तेथे माहिती मिळत नाही. या बाबी सोडून सर्व प्रकारची माहिती प्रशासनाबाबत मागता येते. माहिती अधिकार कायद्याने देशातील राज्यातील अनेक भ्रष्टाचार उघडकीस आणलेले आहेत. हे करत असताना आरटीआय कार्यकर्ते अडचणीत देखील आलेले आहेत प्रसंगी त्यांना प्राणाशी मुकावे लागले आहे. शासनाने आरटीआय कार्यकर्त्यांच्या संरक्षणासाठी देखील कायदा केलेला आहे. लोकशाहीची जपणूक करण्यासाठी नागरिकांनी या कायद्याचा वापर योग्य पद्धतीने करावा.
कार्यक्रमाच्या अध्यक्षस्थानी महाविद्यालयाचे प्राचार्य प्रो. डॉ. सतीश घाटगे होते. आपल्या अध्यक्षीय मार्गदर्शनात ते म्हणाले, या कायद्याने खऱ्या अर्थाने सर्वसामान्य नागरिकांना लोकशाहीत महत्त्व प्राप्त झाले. आहे सामान्यातला सामान्य माणूस देखील शासनाकडे कोणत्याही कामाची माहिती सहजपणे साध्या अर्जाद्वारे मागू शकतो. संबंधित कार्यालयास ती माहिती देणे बंधनकारक असते. प्रशासनातील काही गोपनीय बाबी वगळता सर्व प्रकारची माहिती मिळू शकते. प्रशासनात पारदर्शकता येण्याच्या दृष्टिकोनातून या कायद्याचा वापर जास्तीत जास्त नागरिकांनी केला पाहिजे.
कार्यक्रमासाठी सीनियर विभागातील सर्व प्राध्यापक बंधू-भगिनी विद्यार्थी विद्यार्थिनी उपस्थित होते. कार्यक्रमाचे प्रास्ताविक समाजशास्त्र विभाग प्रमुख डॉ. दादासाहेब घाडगे यांनी केले. पाहुण्याचा परिचय राज्यशास्त्र विभाग प्रमुख डॉ. मीनाक्षी मिणचे यांनी केला. आभार प्रा. तेजस्विनी दळे यांनी व्यक्त केले तर सूत्रसंचालन प्रा . रोहिणी कांबिरे यांनी केले. हा कार्यक्रम यशस्वी होण्यासाठी प्रा. दिपाली वाघमारे, प्रा. ऋतुजा भाटले यांचे मोलाचे सहकार्य लाभले.
