साळुंखे महाविद्यालयाच्या प्रा.कु.शोभा लोहार यांचे राज्यस्तरीय वक्तृत्व स्पर्धेत यश

 साळुंखे महाविद्यालयाच्या प्रा.कु.शोभा लोहार यांचे राज्यस्तरीय वक्तृत्व स्पर्धेत यश 

कराड/प्रतिनिधी: 

    श्री.स्वामी विवेकानंद शिक्षणसंस्था, कोल्हापूर अंतर्गत गुरुदेव कार्यकर्ता गटामधून राज्यस्तरीय वक्तृत्व स्पर्धेत शिक्षणमहर्षी बापूजी साळुंखे महाविद्यालय, कराड येथील  प्रा.कु.शोभा नावजी लोहार यांनी द्वितीय क्रमांक मिळवून उज्वल यश संपादन केले. 

महाविद्यालयीन विद्यार्थ्यांना प्रेरणा देण्याच्या दृष्टिकोनातून तसेच संस्थेतील प्राध्यापकांना देखील अध्यापनाबरोबरच लेखन, वक्तृत्व, चित्रकला, गायन या विविध कलाक्षेत्रात सजग ठेवण्याच्या      दृष्टिकोनातून, परिपूर्ण शिक्षक निर्मितीसाठी या स्पर्धा दरवर्षी घेतल्या जातात. सदर शिक्षणमहर्षी डॉ.बापूजी साळुंखे राज्यस्तरीय स्पर्धा नुकत्याच लालबहादूर शास्त्री महाविद्यालय, सातारा येथे संपन्न झाल्या. या स्पर्धेसाठी राज्यभरातील १३ जिल्ह्यातून स्पर्धक सहभागी झाले होते. प्रा.कु.शोभा लोहार यांनी 'महाराष्ट्राच्या शैक्षणिक जडणघडणीत शिक्षणमहर्षी डॉ.बापूजी साळुंखे यांचे योगदान' या विषयाची कौशल्य पूर्ण मांडणी करत उपस्थितांची मने जिंकत द्वितीय क्रमांक पटकावला. 

सदर स्पर्धेचे परीक्षण जेष्ठ साहित्यिक व समीक्षक प्रा.डॉ. देवानंद सोनटक्के व प्रा.डॉ.केशव मोरे यांनी केले. तर बक्षीस वितरण समारंभ विवेकानंद शिक्षणसंस्थेचे सातारा जिल्हा विभागप्रमुख प्राचार्य अरुण कुंभार, संस्था सहसचिव प्रशासन प्राचार्य डॉ. राजेंद्र शेजवळ, स्पर्धा समन्वयक प्र. प्राचार्य कॅप्टन डॉ.महेश गायकवाड, उपप्राचार्य डॉ.अशोक तवर, प्राचार्या सौ.कदम यांच्या उपस्थितीत संपन्न झाला. प्रा. कु.शोभा लोहार यांच्या यशाबद्दल कार्याध्यक्ष प्राचार्य अभयकुमारजी साळुंखे, सचिवा प्राचार्य शुभांगीताई गावडे, सहसचिव प्रशासन प्राचार्य डॉ.राजेंद्र शेजवळ, तसेच प्र.प्राचार्य कॅप्टन डॉ. महेश गायकवाड, प्रा.सुरेश रजपूत तसेच महाविद्यालयातील सर्व विद्यार्थी, प्राध्यापक, प्रशासकीय सेवक यांनी त्यांचे अभिनंदन केले व पुढील वाटचालीस शुभेच्छा दिल्या. 

फोटो कॅप्शन: विवेकानंद शिक्षणसंस्थेचे सहसचिव प्रशासन प्राचार्य डॉ.राजेंद्र शेजवळ यांच्या हस्ते पारितोषिक स्वीकारताना प्रा.कु.शोभा लोहार सोबत सातारा जिल्हा विभागप्रमुख प्राचार्य अरुण कुंभार, प्र. प्राचार्य कॅप्टन डॉ.महेश गायकवाड आदी. मान्यवर