साळुंखे महाविद्यालयाचा महेश निकम बीजे परीक्षेत विद्यापीठात सर्वप्रथम

 साळुंखे महाविद्यालयाचा महेश निकम बीजे परीक्षेत विद्यापीठात सर्वप्रथम 

कराड/प्रतिनिधी: 

    शिक्षणमहर्षी बापूजी साळुंखे महाविद्यालय, कराड चा विद्यार्थी महेश बाळासो निकम याने पत्रकारिता पदवी (बी.जे) या अभ्यासक्रमामध्ये शिवाजी विद्यापीठात सर्वप्रथम येण्याचा मान पटकावला आहे. शिवाजी विद्यापीठ अंतर्गत पत्रकारिता पदवी (बी.जे) हा अभ्यासक्रम बापूजी साळुंखे महाविद्यालयात सुरू आहे. बी.जे अभ्यासक्रमाच्या बाबतीत महाविद्यालयात उत्कृष्ट निकालाची परंपरा आहे. शैक्षणिक वर्ष २०२१-२२ साठी महाविद्यालयातील विद्यार्थी महेश निकम याने शिवाजी विद्यापीठात प्रथम क्रमांक पटकावून महाविद्यालयाच्या नावलौकिकामध्ये भर घातली आहे. 

त्याच्या या यशाबद्दल श्री.स्वामी विवेकानंद शिक्षण संस्थेचे कार्याध्यक्ष प्राचार्य अभयकुमारजी साळुंखे, संस्थेच्या सचिव प्राचार्य शुभांगीताई गावडे, महाविद्यालयाचे प्र.प्राचार्य कॅप्टन डॉ. महेश गायकवाड प्रा.अशोक खोत, प्रा.सुरेश रजपूत सर्व प्राध्यापक शिक्षकेतर कर्मचारी यांनी त्याचे अभिनंदन केले. या अभ्यासक्रमासाठी त्याला बीजे विभागाच्या विभागप्रमुख प्रा.स्नेहलता शेवाळे-पाटील, प्रा.संभाजी पाटील, प्रा.स्नेहल वरेकर, प्रा.जीवन अंबुडारे,  देवदास मुळे, सुशील लाड यांचे मार्गदर्शन त्यास लाभले.