बापूजी साळुंखे महाविद्यालयाचे विविध स्पर्धांमध्ये उज्वल यश

 बापूजी साळुंखे महाविद्यालयाचे विविध स्पर्धांमध्ये उज्वल यश       

कराड/ प्रतिनिधी: 

    श्री स्वामी विवेकानंद शिक्षण संस्था, कोल्हापूर अंतर्गत श्री. स्वामी विवेकानंद जयंती सप्ताह निमित्त सातारा जिल्हास्तरीय विविध स्पर्धांचे आयोजन सुशिलादेवी विद्यामंदिर, सातारा येथे करण्यात आले होते. सदर स्पर्धांमध्ये बापूजी साळुंखे महाविद्यालयाने उज्वल यश संपादन केले आहे. 

सातारा जिल्हास्तरीय महाविद्यालयीन गटातील वक्तृत्व स्पर्धेमध्ये शेख सोहेल (बी.ए भाग- २) या विद्यार्थ्याने तृतीय क्रमांक मिळवला. त्याची १७ फेब्रुवारी रोजी लालबहादूर शास्त्री महाविद्यालय, सातारा येथे होणाऱ्या संस्थांतर्गत राज्यस्तरीय वकृत्व स्पर्धेसाठी निवड झाली आहे. त्याचबरोबर जिल्हास्तरीय वक्तृत्व स्पर्धा गुरुदेव कार्यकर्ता गटात प्रा. शोभा लोहार यांनी प्रथम क्रमांक तर प्रा. गोरख गायकवाड यांनी द्वितीय क्रमांक मिळविला. 

याशिवाय चित्रकला स्पर्धेमध्ये प्रा. सुरेश यादव यांनी प्रथम क्रमांक मिळवून यश संपादन केले. सर्व यशस्वी विद्यार्थी व प्राध्यापक यांची १७ फेब्रुवारी रोजी लालबहादूर शास्त्री महाविद्यालय, सातारा येथे होणाऱ्या राज्यस्तरीय स्पर्धेसाठी अभिनंदनीय निवड झाली आहे. त्यांच्या या यशाबद्दल महाविद्यालयाचे प्राचार्य कॅप्टन डॉ. महेश गायकवाड यांनी अभिनंदन करत पुढील राज्यस्तरीय स्पर्धेसाठी शुभेच्छा दिल्या आहेत. 

फोटो कॅप्शन: सर्व यशस्वी स्पर्धकांचे अभिनंदन करताना प्राचार्य कॅप्टन डॉ. महेश गायकवाड सोबत प्रा.सुनिल शिंदे.