प्र.प्राचार्य कॅप्टन डॉ.महेश गायकवाड दुसऱ्यांदा पीएच.डी पदवीने सन्मानित

प्र.प्राचार्य कॅप्टन डॉ.महेश गायकवाड दुसऱ्यांदा पीएच.डी पदवीने सन्मानित 

कराड/प्रतिनिधी: 

        श्री.स्वामी विवेकानंद शिक्षणसंस्थेचे शिक्षणमहर्षी बापूजी साळुंखे महाविद्यालय, कराडचे  प्र. प्राचार्य कॅप्टन डॉ.महेश नारायण गायकवाड यांना शिवाजी विद्यापीठाने नुकतीच मराठी विषयातील पीएच.डी पदवी प्रदान केली. प्राचार्य कॅप्टन डॉ.महेश गायकवाड यांनी "नवभारत मधील वैचारिक वाड्मय" या विषयावर मूलभूत संशोधन करून सदरचा प्रबंध शिवाजी विद्यापीठास सादर केला होता. त्यास मान्यता देऊन विद्यापीठाने त्यांना पीएच.डी पदवीने सन्मानित केले. रयत शिक्षणसंस्थेचे सहसचिव प्राचार्य डॉ. शिवलिंग मेनकुदळे यांनी त्यांना मार्गदर्शन केले. 

           डॉ. महेश गायकवाड हे श्री.स्वामी विवेकानंद शिक्षण संस्थेच्या व्यवस्थापन मंडळाचे सदस्य आहेत. त्यांचे विविध राष्ट्रीय, आंतरराष्ट्रीय संशोधन जर्नल मधून २२ पेक्षा अधिक लेख प्रकाशित झाले आहेत. तसेच त्यांनी २ पुस्तकांचे लेखन केले असून ४ ग्रंथाचे संपादन केले आहे.

           या पूर्वी त्यांनी शिक्षणशास्त्र विषयात "माध्यमिक स्तरावरील विद्यार्थ्यांच्या सृजनशीलते"वर संशोधन केले असून ह्या संशोधनास डॉ. बाबासाहेब आंबेडकर मराठवाडा विद्यापीठाने पीएच. डी. पदवी प्रदान केली आहे.

         एनसीसी चे कॅप्टन म्हणून देखील गेली वीस वर्षे यशस्वी कार्य केले असून याकाळात त्यांचे २०० पेक्षा अधिक विद्यार्थी सैन्यदलात भरती झाले आहेत. तसेच विविध क्षेत्रात ५ विद्यार्थी अधिकारी पदावर गेले आहेत. याबद्दल त्यांना एनसीसी मधील राष्ट्रीय स्तरावरील डायरेक्टर जनरल कमेंडेशन कार्ड पुरस्कार प्राप्त झाला आहे. तसेच यापूर्वी त्यांना महात्मा फुले आदर्श शिक्षक पुरस्कार मिळालेला आहे. डॉ. महेश गायकवाड हे महाराष्ट्र साहित्य परिषद, शाखा साताराचे कार्याध्यक्ष म्हणून काम करीत आहेत.

             मराठी विषयातील पीएच.डी संपादन केल्याबद्दल श्री.स्वामी विवेकानंद शिक्षणसंस्थेचे कार्याध्यक्ष प्राचार्य अभयकुमारजी साळुंखे, सचिव प्राचार्य शुभांगीताई गावडे, सहसचिव प्रशासन प्राचार्य डॉ.राजेंद्र शेजवळ, सहसचिव अर्थ प्राचार्य सिताराम गवळी, संस्था सीईओ कौस्तुभ गावडे कोल्हापूर जिल्हा विभागप्रमुख श्रीराम साळुंखे यांच्यासह शिक्षणमहर्षी बापूजी साळुंखे महाविद्यालय व लाल बहादूर शास्त्री महाविद्यालय, सातारा मधील प्राध्यापक, शिक्षकेतर कर्मचारी तसेच समाजातील सर्वच स्तरातून प्राचार्य कॅप्टन डॉ.महेश गायकवाड यांचे अभिनंदन होत आहे. 

फोटो कॅप्शन: प्र.प्राचार्य कॅप्टन डॉ. महेश गायकवाड