साळुंखे महाविद्यालयाचा अनिकेत दाते शरीरसौष्ठव स्पर्धेत विद्यापीठ तृतीय.

साळुंखे महाविद्यालयाचा अनिकेत दाते शरीरसौष्ठव स्पर्धेत विद्यापीठ तृतीय.                       

कराड /प्रतिनिधी : 

        श्री स्वामी विवेकानंद शिक्षण  संस्थेच्या कराड येथील शिक्षण महर्षी बापूजी साळुंखे महाविद्यालयाचा विद्यार्थी अनिकेत किशोर दाते बी.ए भाग-३ याने शिवाजी विद्यापीठ आंतरविभागीय शरीरसौष्ठव स्पर्धेत ६५ किलो वजनी गटात तृतीय क्रमांक मिळवून यश संपादन केले.        

        सदर स्पर्धा शिवराज कॉलेज, गडहिंग्लज येथे १९ जानेवारी रोजी पार पडल्या. महाविद्यालयाचे शारीरिक शिक्षण संचालक प्रा.देवदत्त महात्मे, प्रा. गौरव पाटील यांनी खेळाडूंना मार्गदर्शन केले. महाविद्यालयाचे प्रभारी प्राचार्य कॅप्टन डॉ. महेश गायकवाड यांची प्रेरणा मोलाची ठरली असे विद्यार्थ्यांनी आवर्जून नमूद केले. सदर खेळाडूंचे प्राचार्य, प्राध्यापक, विद्यार्थी वर्गाकडून अभिनंदन होत आहे.