साळुंखे महाविद्यालयाच्या शुभम जाधवला मिनी ऑलिम्पिक मध्ये रौप्यपदक
कराड/ प्रतिनिधी :
श्री स्वामी विवेकानंद शिक्षणसंस्थेच्या कराड येथील शिक्षणमहर्षी बापूजी साळुंखे महाविद्यालयाचा विद्यार्थी शुभम जाधव याने छत्रपती शिवाजी महाराज क्रीडा नगरी बालेवाडी, पुणे येथे झालेल्या महाराष्ट्र राज्य मिनी ऑलिम्पिक क्रीडा स्पर्धेत भालाफेक या क्रीडा प्रकारात ६६ मीटर भाला फेकून नेत्रदीपक कामगिरीकरत रौप्य पदक पटकावले. त्याच्या या कामगिरीमुळे शिवाजी विद्यापीठाबरोबरच श्री. स्वामी विवेकानंद शिक्षणसंस्था व बापूजी साळुंखे महाविद्यालयाच्या नावलौकिकात भर पडली आहे.
श्री.स्वामी विवेकानंद शिक्षणसंस्थेचे कार्याध्यक्ष प्राचार्य अभयकुमारजी साळुंखे, सचिव प्राचार्या शुभांगीताई गावडे, प्रशासन सहसचिव प्राचार्य डॉ. राजेंद्र शेजवळ, अर्थ सहसचिव सिताराम गवळी, संस्था सी.ई.ओ कौस्तुभ गावडे तसेच महाविद्यालयाचे प्र. प्राचार्य कॅप्टन डॉ. महेश गायकवाड यांनी त्याचे अभिनंदन केले. महाविद्यालयाचे शारीरिक शिक्षण संचालक प्रा. देवदत्त महात्मे, प्रा. गौरव पाटील यांनी या खेळाडूस मार्गदर्शन केले.
बापूजी साळुंखे महाविद्यालयाने उपलब्ध करून दिलेल्या सोयीसुविधा केलेली आर्थिक मदत तसेच प्र. प्राचार्य कॅप्टन डॉ. महेश गायकवाड यांनी माझ्यावर दाखवलेला विश्वास यामुळेच मी हे यश मिळवू शकलो अशा भावना या खेळाडूने व्यक्त केल्या. या खेळाडूवर सर्व स्तरातून अभिनंदनाचा वर्षाव होत आहे.
फोटो कॅप्शन :
मिनी ऑलिंपिकपटू शुभम जाधव याचे अभिनंदन करताना प्रभारी प्राचार्य कॅप्टन डॉ. महेश गायकवाड सोबत प्रा.देवदत्त महात्मे.
No comments:
Post a Comment
Thanks for reply